Məşhur reper Timati ( Timur Yunusov ) Oleg Tselkovun əsərinə 460 min avro ödəyib.

“İki sahil” xəbər verir ki, reper "uşaq və şar" əsərini alması barədə məlumatı şəxsi instaqram hesabında qeyd edib.

"Əsəri görən kimi mənim olacağını düşündüm", - deyə o, sosial şəbəkədə yazıb.

Timati artıq uzun müddətdir ki, mədəniyyətə olan sevgisini gizlətmir. Onun mənzilində bu maraq açıq-aşkar əks olunur. Müğənninin kolleksiyasında məşhur Kaws və Bearbrick fiqurlarından tutmuş, Louis Vuitton çantalarına və müasir rəssamların tablolarına qədər hər şey var. Onun kolleksiyasını böyük hissəsi dünyanın ən məşhur sənət sərgilərində, xüsusilə Art Basel-də Miami-də satın alınan nadir və unikal əşyalar təşkil edir.