"Mançester Siti" uğursuz çıxışı davam edir.

“İki sahil” xəbər verir ki, Xosep Qvardiolanın komandası dünən İngiltərə Premyer Liqasının 13-cü turunda səfərdə "Liverpul"a uduzub (0:2). Bu, onların Premyer Liqada ardıcıl 4-cü, son yeddi oyunda isə bütün turnirlərdə 7 matçda 6-cı məğlubiyyəti olub.

Qeyd edək ki, "Liverpul" - "Mançester Siti" matçının gedişatı zamanı meydan sahibi komandanın azarkeşləri Qvardiolaya xitabən "Sabah səni qovacaqlar" deyə şüar səsləndiriblər.

Matçdan sonra keçirilən mətbuat konfransında 53 yaşlı mütəxsəssis bununla bağlı da danışıb. O deyib: "Bütün stadionlarda mənim qovulmağımı istəyirlər. "Bu, hələ "Brayton"la matçdan başlayıb. Mən bunu "Enfild"də, Liverpul sakinlərdindən gözləmirdim. Amma bu, normaldır. Bu, oyunun bir parçasıdır, başa düşürəm".