Şəhriyar Məmmədyarov, Teymur Rəcəbov və Rauf Məmmədovun Şahmat Federasiyasının (FIDE) 2024-cü ilin son reytinqindəki mövqeləri bəlli olub.

“İki sahil” xəbər verir ki, bu barədə FIDE-nin rəsmi saytında bildirilib.

Şəhriyar Məmmədyarov (2738 xal) 16-cı pillədə qərarlaşıb. Teymur Rəcəbov (2698 xal) 33-cü, Rauf Məmmədov (2656 xal) 69-cı sıradadır.

Siyahıya norveçli Maqnus Karlsen (2831 xal) başçılıq edir. ABŞ təmsilçisi Fabiano Karuana (2805 xal) ikinci, bu ölkənin digər şahmatçısı Hikaru Nakamura (2802 xaç) üçüncüdür.

Qadınlardan Günay Məmmədzadə (2421 xal) 36-cı, Gövhər Beydullayeva (2404 xal) 43-cü, Ülviyyə Fətəliyeva (2381 xal) 67-ci, Xanım Balacayeva (2362 xal) 83-cü yerdədir.

Burada ilk üç pillədə çinli şahmatçılar - Yifan Hou (2633), Venyun Yu (2563) və Zonqyi Tan (2561) qərarlaşıblar.