İnkişaf etmiş ölkələrin iqlim dəyişikliyi ilə mübarizə üçün maliyyə ayırması inkişafda olan ölkələrə xüsusi güzəşt sayılmamalıdır.

“İki sahil” xəbər verir ki, bunu Braziliyanın ətraf mühit və iqlim naziri Marina Silva mətbuat konfransında deyib.

O bildirib ki, bu, hamının xeyrinə olan keçid və transformasiyanın həyata keçirilməsi üçündür: "Maliyyə ilə əlaqədar öhdəliklərə sadiqlik məsuliyyəti olmalıdır. İnkişafda olan ölkələr yoxsulluqla bağlı problemləri həll etmək üçün maliyyə mənbəyi tələb etmir. Ayrılan pul hər nə qədər bu məsələyə təsir etsə də, əsas məqsəd sıx və şiddətli baş verən iqlim hadisələrinin qarşısını almaq üçündür".