Hindistanın cənubundakı Kerala ştatında pirotexnika anbarında baş verən yanğın nəticəsində 8 nəfərin vəziyyəti ağır olmaqla 150 nəfər xəsarət alıb.

“İki sahil” “İndia Today” nəşrinə istinadla yazır ki, yanğın baş verən anbar milli bayram Divali münasibətilə keçirilən festivala ev sahibliyi edən Hindistan məbədinin yanında yerləşir.

Hadisənin səbəbi hələ müəyyən edilməyib. Yaralılar Kasaraqod, Kannur və Manqaluru xəstəxanalarına çatdırılıb.