Bu gün Misli Premyer Liqasında 2024/25 mövsümünün 1-ci turun son yarışında “Səbail” “Zirə”nin qonağı olub.

“İki sahil” xəbər verir ki, paytaxtın qəsəbələrini təmsil edən komandaların qarşılaşmasında zirəlilər hesabı açıb. Oyunun 12-ci dəqiqəsində Davit Volkov fərqlənib. O, 27-ci dəqiqədə dublunu rəsmiləşdirərək Meydan sahiblərinin üstünlüyünü iki topa yüksəldib. 45-ci dəqiqədə isə özünün və komandasının üçüncü qolunu vuran Davit Volkov mövsümün ilk het-trikini rəsmiləşdirib.

“Səbail”in futbolçusu Ayman Bouali 49-cu dəqiqədə buraxılan qollardan birinin əvəzini çıxsa da, 90+5 dəqiqədə fərqlənərək yenidən “Zirə”nin üstünlüyünü üç topa yüksəldən İssa Cibrila oyunda son nöqtəni qoyub 4-1.

Qeyd edək ki, Misli Premyer Liqasının yeni mövsümü ötən gün keçirilən "Araz-Naxçıvan" - "Qarabağ" oyunu (1:4) ilə başlayıb.

Misli Premyer Liqası

1-ci tur

4 avqust (bazar)

20:00. “Zirə” 4-1 “Səbail”

Qollar: Davit Volkov, 12 (1-0), 27 (2-0), 45 (3-0),  Ayman Bouali, 49 (3-1), İssa Cibrila, 90+5 (4-1)

Hakimlər: Rəvan Həmzəzadə, Cəmil Quliyev, Şirmamed Mamedov, Əli Əliyev

VAR: Nicat İsmayıllı

AVAR: Vüsal Məmmədov

Zirə İdman Kompleksinin stadionu

***

17: 30. “Sabah” 2-2 “Şamaxı”

Qollar: Namik Ələskərov, 16 (1-0), Xəyal Əliyev, 37 (2-0), Rüfət Abbasov, 44 (2:1), Belajdi Pusi, 52 (2:2)

Hakimlər: İnqilab Məmmədov, Namiq Hüseynov, Rahil Ramazanov, Fərid Hacıyev

VAR: Tural Qurbanov

AVAR: Elşad Abdullayev

"Bank Respublika Arena"

2 avqust

20:00. “Araz Naxçıvan” 1–4 “Qarabağ”

3 avqust

18:30. "Neftçi” 0–0 “Turan Tovuz”

20:45. “Sumqayıt” 2–0 “Kəpəz”

Məhərrəm Ağalaroğlu, “İki sahil”