Bu gün Misli Premyer Liqasında 2024/25 mövsümünün 1-ci turu çərçivəsində “Sabah” “Şamaxı”nı qəbul edib.

“İki sahil” xəbər verir ki, yarışın 16-cı dəqiqəsində Namik Ələskərov hesabı açıb. 37-ci dəqiqədə isə Xəyal Əliyev “bəyquşların” üstünlüyünü iki topa yüksəldib.

44-cü dəqiqədə Rüfət Abbasovun fərqi minimuma endirdiyi qarşılaşmanın 52-ci dəqiqəsində Belajdi Pusi “aslanların” bərabərlik qolunu vurub.

Yarışda başqa qol vurulmayıb.

Qeyd edək ki, Misli Premyer Liqasının yeni mövsümü ötən gün keçirilən "Araz-Naxçıvan" - "Qarabağ" oyunu (1:4) ilə başlayıb.

Misli Premyer Liqası

1-ci tur

4 avqust (bazar)

17: 30. “Sabah” 2-2 “Şamaxı”

Qollar: Namik Ələskərov, 16 (1-0), Xəyal Əliyev, 37 (2-0), Rüfət Abbasov, 44 (2-1), Belajdi Pusi, 52 (2-2)

Hakimlər: İnqilab Məmmədov, Namiq Hüseynov, Rahil Ramazanov, Fərid Hacıyev

VAR: Tural Qurbanov

AVAR: Elşad Abdullayev

"Bank Respublika Arena"

Məhərrəm Ağalaroğlu, “İki sahil”