Milli Məclisə növbədənkənar seçkilərdə iştirak üçün 1255 nəfər müraciət edib. Onlardan 454 nəfərin namizədliyi 25 siyasi partiya tərəfindən irəli sürülüb. 1141 nəfərin namizədliyinin irəli sürülməsi təsdiqlənib.

“İki sahil” xəbər verir ki, bu sözləri Mərkəzi Seçki Komissiyasının (MSK) sədri Məzahir Pənahov MSK-nın iyulun 27-də keçirilən iclasında söyləyib.

"Deputatlığa namizədliyini irəli sürənlərdən 1092 nəfəri imza vərəqəsi alıb, 388 nəfər isə imza vərəqələrini qaytarıb, 87 nəfərin deputatlığa namizədliyi qeydə alınıb", - deyə o əlavə edib.