Bu gün dünada qüdrətli siyasi təşkilat kimi tanına Yeni Azərbaycan Partiyasının (YAP) təsis konfransı 1992-ci il noyabrın 21-də Naxçıvanda, ölkəmizin bütün regionlarını təmsil edən və 550 nəfərdən ibarət olan təşəbbüs qrupunun iştirakı ilə keçirilmişdir. Partiyanın yaranmasının o zaman Bakıda deyil, məhz Naxçıvanda keçirilməsinin də müəyyən səbəbləri var idi. Belə ki, bir tərəfdən həmin illərdə iqtidarda bir-birini əvəz edən qüvvələr ölkədə demokratik mühitin formalaşması, ictimai-siyasi sabitliyin təmin olunması barədə demək olar ki, düşünmürdülər. Bundan başqa, ölkəmizdəki anti-milli ünsürlər anlayırdılar ki, onların bütün bu özbaşınalıqlarına məhz dahi insan, xalqın sevimlisi Heydər Əliyevin hakimiyyətə gəlişi ilə son qoyulacaq. Məhz bu səbəbdən də antimilli qüvvələr YAP-ın yaranmasına mane olurdular. Ancaq Ulu Öndər Heydər Əliyevin Azərbaycanı xilas etmək istəyi və Vətənə olan sevgisi YAP-ın yaranmasını sürətləndirdi. Təsis konfransı Yeni Azərbaycan Partiyasının yaradılması haqqında qərar, partiyanın Nizamnaməsini və Proqramını qəbul etdi. Konfransda Ulu Öndər yekdilliklə partiyanın sədri seçildi. Eyni zamanda, partiyanın Siyasi Şurası, İdarə Heyəti və sədrin müavinləri seçildilər. Beləliklə, müstəqil Azərbaycanın tarixində öz üzərinə böyük tarixi missiya götürən Yeni Azərbaycan Partiyası yarandı. Və qısa müddətdə nüfuz qazandı.
Təbii ki, ötən əsrin 90-cı illərin əvvələrində ölkədə baş verən xaos və anarxiya dövlətçiliyə təhlükə törətməkdə davam edirdi. Bu prosesləri yaxından izləyən Azərbaycanın bir qrup ziyalısı bu çətin vəziyyətdən çıxmaq, dərinləşən siyasi böhranı dəf etmək üçün 91 nəfər ziyalının imzası ilə Ulu öndər Heydər Əliyevə müraciət olundu. Azərbaycanın ən yeni tarixinə “91-lər”-in müraciəti kimi daxil olmuş sənəd əslində, bütün xalqın arzusu və istəklərinin ifadəsi idi. Xalqın istəyini nəzərə alaraq Ulu öndərə müraciət edən məşhur “91-lər” in cəsarətli addımları nəticəsində dağıdıcı proseslərin qarşısı alındı. Azərbaycxanın görkəmli ziyalıları, tanınmış insanları və nüfuzlu şəxsiyyətlərinin imzaladıqları müraciətdə Heydər Əliyevdən yeni yaradılacaq siyasi partiyaya rəhbərlik etmək xahiş olunurdu.
Beləliklə, müstəqil Azərbaycanın tarixində öz üzərinə böyük tarixi missiya götürən YAP yaradıldı. Ulu Öndər Heydər Əliyev rəhbərlik etdiyi Yeni Azərbaycan Partiyasını qısa müddət ərzində cəmiyyətin aparıcı qüvvəsinə çevirməyi bacardı. Ulu Öndər cəmiyyətimizin aparıcı siyasi qüvvəsi olan bu partiyanı qısa zaman kəsiyində inkişaf etdirdi, özünün dediyi kimi dünənin, bugünün və sabahın partiyası səviyyəsinə yüksəltdi. Bu dahi insanın yaratdığı və bizlərə miras qoyduğu bu partiya ötən illər ərzində ölkəmizdə siyasi sabitliyin və davamlı inkişafın təminatçısı kimi çıxış etmişdir. Heydər Əliyev ideyalarına daima sadiq olan partiya milli məfkurənin əsasını təşkil edən dövlətçilik, qanunçuluq, azərbaycançılıq, yaradıcı təkamül, vətəndaş həmrəyliyi və sosial ədalət prinsiplərini özünün həyat tərzinə çevirmişdir.
Azərbaycan xalqının dahi oğlu Heydər Əliyevin 2003-cü ilin dekabrın 12-də vəfat etməsindən sonra partiya qarşısında duran əsas məsələ yeni sədrin seçilməsi və ulu öndər siyasi kursunun davam etdirilməsi məsələsi idi. Bu məqsədlə, Yeni Azərbaycan Partiyasının 2005-ci il 26 mart tarixində keçirilmiş III qurultayında Partiyanın yeni Sədri, Azərbaycan Respublikasının Prezidenti İlham Əliyev seçildi. Prezident İlham Əliyevin partiyaya rəhbər seçilməsindən sonra, partiya qarşısında ən ümdə məsələ, Heydər Əliyev ideallarının yaşaması, gerçəkləşməsi və həyata keçirilməsi məsələsi idi. Eyni zamanda, YAP İlham Əliyevin rəhbərliyi ilə demokratik, hüquqi, dünyəvi dövlət və azad vətəndaş cəmiyyəti qurmaq məqsədilə irqindən, etnik mənsubiyyətindən, dinindən, dilindən, cinsindən, əmlak vəziyyətindən, qulluq mövqeyindən, əqidəsindən asılı olmayaraq Azərbaycan vətəndaşlarını ümumi siyasi ideya və məqsəd ətrafında birləşdirməyə nail oldu. Prezident İlham Əliyev YAP-ı ümumxalq partiyasına çevirməyi bacardı. Prezident İlham Əliyevin rəhbərliyi dönəmində YAP-ın yeni in kişaf mərhələsi başladı. 5 mart 2021- ci il tarixində keçirilmiş partiyanın VII qurultayında qəbul edilmiş qərar əsasında Yeni Azərbaycan Partiyasının yeni Nizamnaməsi, 40 nəfər tərkidə İdarə Heyəti, 13 nəfərdən ibarət Təftiş Komissiyası və yeni qurum olaraq YAP-ın Veteranlar Şurasının 35 nəfərlik tərkibi təsdiq edilmişdir. Beləliklə, partiya siyasi təşkilat olaraq bu gün ətrafında 720830 nəfəri birləşdirir.
Bu bir qürurverici gerçəklikdir ki, Ulu Öndərin siyasi kursuna və onun ideyalarının həyata keçirilməsinə Prezident İlham Əliyev qədər çalışan, ölkəmizin inkişafı, çiçəklənməsi , tərəqqisi, Azərbaycan mədəniyyətinin və qeyri- maddi və mənəvi irsin dünyada tanıdılması işində misilsiz xidmət göstərən Mehriban Xanım Əliyeva böyük etimada layiq görülərək partiya sədrinin birinci müavini təyin edildi. Eyni zamanda, cəmiyyətdə və dövlət qulluğu sahəsində müsbət reputasiya qazanmış, dürüst, vicdanlı, işgüzar və ən əsası Heydər Əliyev ideallarına sadiq olan Tahir Budaqovun YAP sədrinin müavini-mərkəzi aparatın rəhbəri təyin edilməsi ən uğurlu seçim oldu. Yeni formalaşan komanda partiyanın inkişafı, tərəqqisi naminə bir sıra nailiyyətlərə imza atdı. Beləliklə, partiya qarşısına siyasi dəyərlər və prinsiplərə əsaslanan 10 strateji istiqamət müəyyən etdi.
Bəli, bu gün də Heydər Əliyev yolu müstəqillik, Azərbaycançılıq, dövlətçilik, demokratiklik, qanunun aliliyi və bəşərilik deməkdir. Məhz bü çağdaş tendensiyaları və regionda yaranmış “yeni reallığı” nəzərə alan yeni Proqram YAP İdarə Heyətinin 2021-ci il 29 dekabr iclasında təsdiq edilmişdir. Prezident İlham Əliyevin təbirincə desək YAP Cənubi Qafqazın ən böyük və ən nüfuzlu partiyasıdır.
Bu, bir gerçəklikdir ki, YAP özünün yeni inkişaf dövrünü yaşayır. Bütün seçkilərin şəriksiz qalibi olan partiyamız hazırda qalib Sərkərdə, müzəffər Ali Baş Komandan İlham Əliyevin rəhbərliyi ilə daha da qüdrətlənir. Partiyamızın və dövlətimizin rəhbəri son 3 ildə nəinki, Azərbaycan xalqı üçün, ümumilikdə bütün türk dünyası üçün düşmən üzərində elə bir Qalibiyyət tarixi yazdı ki, indi bütün dünya bizimlə hesablaşmaq zorundadır.
İsmayıl İbrahimov,
YAP Hacıqabul rayon təşkilatının sədri
