Misli Premyer Liqasının 13-cü turu çərçivəsində "Sabah" “Turan Tovuz”un qonağı olub.

“İki sahil” xəbər verir ki, qarşılaşmanın 8-ci dəqiqəsində hesabı açan Davit Volkov 26-cı dəqiqədə özünün və “Sabah”ın ikinci qolunu vurub.

Oyunun 35-ci dəqiqəsində penaltini dəqiq yerinə yetirən Fərid Nəbiyev fərqi minimuma endirib. 37-ci dəqiqədə isə Bruno Qonçalves hesabda bərabərliyi təmin edən qolun müəllifi olub.

Qarşılaşmanın 42-ci dəqiqəsində Davit Volkov het-trik edərək qonaqları yenidən hesabda önə çıxarıb.

Matç bu hesabla da başa çatıb.

Qeyd edək ki, tura sabah keçiriləcək 2 oyunla yekun vurulacaq.

Misli Premyer Liqası,

13-cü tur

11 noyabr (şənbə)

19:00. “Turan Tovuz” 2-3 “Sabah”

Qollar: Davit Volkov, 8 (0-1), 26 (0-2), Fərid Nəbiyev, (p.), 35 (1-2), Bruno Qonçalves, 37 (2-2), Davit Volkov 42, (2-3)

Hakimlər: Əliyar Ağayev, Zeynal Zeynalov, Akif Əmirəli, Emin Əliyev

Tovuz şəhər stadionu