Bu gün Misli Premyer Liqasında 10-cu turu çərçivəsində "Qəbələ" "Araz-Naxçıvan"ı qəbul edib.

“İki sahil” xəbər verir ki, turun son qarşılaşmasında hesabı naxçıvanlılar açıb. 28-ci dəqiqədə İlkin Qırtımovun birbaşa qırmızı vərəqə alaraq "Qəbələ"nı azlıqda qoyduğu oyunun 32-ci dəqiqəsində cərimə zərbəsini dəqiq yerinə yetirən Turan Manafov fərqlənib.

37-ci dəqiqədə isə qapıçıdan qayıdan topu tora göndərən Samuel Tetteh Meydan sahiblərinin bərabərlik qolunu vurub.

Matçın 45-ci dəqiqəsində fərqlənən Muhammed Kadiri yenidən "Araz-Naxçıvan"ı yenidən hesabda önə çıxarıb.

59-cu dəqiqədə Osama Xalayla ikinci sarı vərəqə alaraq meydandan qovulub.

69-cu dəqiqədə Elvis Maşikenin naxçıvanlıların üstünlüyünü iki topa çatdırdığı oyunun 71-ci dəqiqəsində Miço Kuzmanoviç fərqi üç topa çatdırıb.

Qeyd edək ki, turun digər oyunları 20-21 oktyabr tarixlərində keçirilib.

Misli Premyer Liqası,

10-cu tur

22 oktyabr (bazar)

16:30. “Qəbələ” 1–4 “Araz-Naxçıvan”

Qollar: Turan Manafov, 32 (0:1), Samuel Tetteh, 37 (1:1), Muhammed Kadiri, 45 (1:2), Elvis Maşike, 69 (1:3), Miço Kuzmanoviç, 71 (1:4)

Qırmızı vərəqələr: İlkin Qırtımov, 28-birbaşa qırmızı vərəqə, ("Qəbələ"),  Osama Xalayla, 59-ikinci sarı vərəqə ("Qəbələ")

Hakimlər: Tural Qurbanov, Elşad Abdullayev, Vüsal Məmmədov, Əli Əliyev

Qəbələ şəhər stadionu