2020-ci ildə şanlı Azərbaycan ordusunun Ermənistan üzərində parlaq qələbəsindən sonra nəinki regionda, o cümlədən bütün dünyada Azərbaycanla bağlı fikirlər tamamilə dəyişdi. Keçən 3 il ərzində Azərbaycan daha da gücləndi. Bu gün Azərbaycan təkcə neft-qaz, multikulturalist, idman, mədəniyyət ölkəsi kimi deyil, müasir hərb tarixinə iz qoymuş güclü bir ölkə kimi bütün dünyada tanınmaqdadır.

Vətən müharibəsinin gedişində və müharibədən sonra Prezident İlham Əliyevin çıxışları və paylaşımları təkcə xalqımız tərəfindən deyil, dünya dövlətləri tərəfindən, hətta düşmənin özü tərəfindən də diqqətlə izlənilirdi. Bu da dövlət başçımızın xarizmatik liderlik keyfiyyətlətini bir daha tərənnüm edir. İstər regional, istərsə də beynəlxalq təşkilatların təşkil etdiyi istənilən tədbirdə Azərbaycan Prezidentinin çıxışları hər zaman diqqət və maraqla gözlənilir. Çünki İlham Əliyevin hər bir çıxışı bir peşəkar siyasi dərsdir. 

Qeyd etdiyimiz kimi, artıq şanlı Qələbənin qazanılmasından 3 il ötür. Bu müddətdə çox şey dəyişdiyi kimi, dəyişməyən bir şey var. Bu da düşmənin fitnəkarlığı və təxribatlarıdır. Hələ də məğlubiyyəti həzm edə bilməyən, "Dəmir yumruq" təsirindən ayılammayan ermənilər bu müddət ərzində dəfələrlə Azərbaycana qarşı bütün sahələrdə təxribatlar törədib və bu proses indi də davam edir. Amma hər cəhdləri dövlətimiz və ordumuz tərəfindən qətiyyətlə alınır, cəzaları layiqincə verilir. Ermənistan baş naziri Nikol Paşinyan da bu 3 il ərzində çox dəyişmədi. 10 noyabr 2020-ci il tarixində kapitulyasiya aktını harda və necə imzalaması bütün dünya tərəfindən gülünc şəkildə qarşılanan Paşinyanın bu hadisələr fonunda sülhə meyil edəcəyini gözləsək də, əməldə yenə də öz hərəkətlərindən geri qalmır.

2-ci Qarabağ müharibəsinin gedişində az qala bütün dünya dövlətləri liderlərini səhər-axşam zəng edərək, onlardan yardım etməsi üçün dəng edən Paşinyan görünür ki, bu xasiyyətindən hələ də əl çəkə bilmir. 

Son günlər baş verən fonunda Nikol yenə telefonunu əlinə alıb dünya liderlərini narahat etməyə başlayıb. Prezidentimizin söylədiyi kimi, az qala Şamanlarla əlaqə yaradan Paşinyan həmişəki kimi layiq olduğu cavabı alıb və almaqdadır.

Paşinyan hələ də anlamır ki, dünya dövlətləri və başçıları üçün xarizmatik lider, etibarlı tərəfdaş olan Prezident İlham Əliyev və Azərbaycan mühüm əhəmiyyət kəsb edir, öz xalqını gülünc vəziyyətə qoyan, telefonçu baş nazir yox!

O zəng etməyində olsun. Azərbaycan istədiyinə nail olur və olacaq!

Fuad Heydər,
Siyasi politoloq