Bu gün Rusiyada PARİ Premyer Kuboku (“Matç TV Kuboku”) start götürüb.

“İki sahil” xəbər verir ki, Azərbaycan təmsilçisi "Neftçi" də bu gün turnirdə ilk oyununu keçirib. Komanda “Zenit” ilə üz-üzə gəlib və 1:3 hesabı ilə uduzub. Sankt-Peterburqdakı “Qazprom Arena”da oynanılan görüş  “Matç TV” vasitəsi ilə canlı yayımlanıb.

Yarışa baş məşqçisiz yollanan “ağ-qaralar” turnir çərçivəsində iyulun 8-də "Srvena Zvezda” (Serbiya), iyulun 15-də isə “Fənərbaxça” (Türkiyə) ilə qarşılaşacaq.

1 iyul

20:30. “Zenit” – “Neftçi” - 3:1

Qollar: Saldanya, 39-pen (0:1), Mantuan, 49 (1:1), Klaudinyo, 70 (2:1), Bakayev, 80 (3:1)

Hakimlər: Artyom Çistyakov, Aleksey Şiryayev, Vladislav Nazarov

“Qazprom Arena”