“Fulhem”in baş məşqçisi Marku Silvanın taleyinə aydınlıq gəlib.

“İki sahil” xəbər verir ki, bunu İngiltərə klubunun sahiblərindən biri Toni Han açıqlayıb.

O bildirib ki, 45 yaşlı mütəxəssis postunda qalacaq. London təmsilçisi onu başqa kluba buraxmayacaq.

Silvanın xidmətində “Vest Hem”lə “Çelsi” maraqlıdır. “Fulhem” 2021-ci ilin yayından bu postda olan mütəxəssisi vəzifəsində saxlayacaq.

Qeyd edək ki, 37 oyunda 52 xal toplayan “Fulhem” Premyer Liqanın turnir cədvəlində 10-cu yerdə qərarlaşıb.