Astarada 3x3 basketbol üzrə dünya qadın seriyasının qrup oyunları start götürüb. “İki sahil” xəbər verir ki,  turnirin açılış oyunu Almaniya və Ukrayna milliləri arasında keçirilib. Görüş Ukrayna basketbolçularının 15:14 hesablı qələbəsi ilə başa çatıb. Oyunu gənclər və idman naziri Fərid Qayıbov və elm və təhsil naziri Emin Əmrullayev də izləyiblər.

B qrupunda isə favorit Çin millisi Avstriya komandasına 14:13 hesabı ilə məğlub olub. C qrupunda yer alan Azərbaycan millisi ilk oyununda Polşa seçməsinə 7:22 hesabı ilə uduzub.

D qrupunda qərarlaşan "Neftçi" klubu Rumıniya millisinə qarşı gərgin idman mübarizəsi şəraitində keçən oyunun yekununda meydançadan 15:12 hesabı ilə qalib ayrılıb.