"Liverpul"un hücumçusu Məhəmməd Salah İngiltərə Premyer Liqasında sol ayağı ilə ən çox qol vuran futbolçudur.
“İki sahil” xəbər verir ki, bu barədə "Squawka" məlumat yayıb. Misirli oyunçu dünən "Lids"lə qarşılaşmada (6:1) dubla imza atıb. İndi onun sol ayağı ilə Premyer Liqada 107 qolu var ki, bu da turnirin tarixindəki rekorddur.
Salah "Liverpul"un və "Mançester Siti"nin keçmiş hücumçusu Robbi Fauleri (105 qol) geridə qoyub.
