"Əl Nəsr"in futbolçusu Kriştiano Ronaldo ötən gün istefaya göndərilən baş məşqçisi Rudi Qarsiya ilə vidalaşıb.

“İki sahil” xəbər verir ki, portuqaliyalı futbolçu sosial şəbəkə hesabında fransalı mütəxəssis haqqında yazıb: "Səninlə işləmək xoş idi. Gələcək karyeranda ən yaxşı şeyləri arzu edirəm".

Qeyd edək ki, Ronaldo və digər futbolçuların Qarsiya ilə yola getmədiyi haqda xəbərlər yayılıb. Rudi Qarsiya 2022-ci il iyunun sonunda kluba baş məşqçi təyin edilmişdi.