Azərbaycan Premyer Liqasının 21-ci turu çərçivəsində "Zirə" evdə "Qəbələ"ni qəbul edib.

“İki sahil” xəbər verir ki, Zirə İdman Kompleksinin stadionunda keçirilən oyunda hesabı qonaqlar açıb. Görüşün 2-ci dəqiqəsində “Qəbələ”nin futbolçusu Rafael Utziq hesabı açıb. 15-ci dəqiqədə isə Dimitrios Çantakias “Zirə”nin bərabərlik qolunu vurub. Oyunun 57-ci dəqiqəsində Loris Broqno bakılıları hesabda önə çıxarsa da 78-ci dəqiqədə Felipe Santos Qəbələ təmsilçisinin bərabərlik qolunun müəllifi olub – 2-2.

Matç bu hesabla da başa çatıb.

Azərbaycan Premyer Liqası,

21-ci tur

5 fevral (bazar)

16:00. “Zirə” 2–2 “Qəbələ”

Qollar: Rafael Utziq, 2 (0:1), Dimitrios Çantakias, 15 (1:1), Loris Broqno, 57 (2:1), Felipe Santos, 78 (2:2)

Reallaşdırılmayan penalti: Rəhim Sadıxov ("Zirə"), 23 - qapıçı

Hakimlər: Kamal Umudlu, Namiq Hüseynov, Teymur Teymurov, Kamranbəy Rəhimov

Zirə İdman Kompleksinin stadionu