Xorvatiya millisi Qətərdə keçirilən dünya çempionatında 1/4 final mərhələsinə vəsiqə qazanıb.

Avropa təmsilçisi 1/8 finalda Yaponiyanı mübarizədən kənarlaşdırıb.

Matçın əsas vaxtı 1:1 hesabı ilə başa çatıb. Yaponiyalılardan Daydzen Maedanın 44-cü dəqiqədə vurduğu qola İvan Perişiç 55-ci dəqiqədə cavab verib. Əsas vaxtda qalib müəyyənləşmədiyindən əlavə vaxt oynanılıb.

Tablodakı rəqəmlər dəyişmədiyindən penaltilər seriyasından istifadə olunub. Burada daha dəqiq oynayan (4:1) Xorvatiya yığması adını növbəti mərhələyə yazdırıb.

***

Yaponiya və Xorvatiya yığmaları arasında 1/8 final matçında əlavə vaxt başlayıb.

Hələlik oyunda hesab bərabərdir - 1:1.

***

Yaponiya və Xorvatiya yığmaları arasında 1/8 final oyununda 2-ci qol vurulub.

55-ci dəqiqədə Avropa təmsilçisindən İvan Perişiç tarazlığı bərpa edib.

***

Yaponiya və Xorvatiya yığmaları arasında 1/8 final oyununda hesab açılıb.

44-cü dəqiqədə Daydzen Maeda Asiya təmsilçisini önə keçirib.

***

Qətərdə keçirilən dünya çempionatında Yaponiya və Xorvatiya yığmaları arasında 1/8 final oyunu başlayıb.

“İki sahil” xəbər verir ki,  qarşılaşma Bakı vaxtı ilə saat 19:00-da start götürüb.