Azərbaycanın ev sahibliyi etdiyi qadın voleybolçular arasında Avropa çempionatında (CEV Trendyol EuroVolley 2026 Women) beşinci günün oyunları keçirilib.

“İki sahil” xəbər verir ki, Milli Gimnastika Arenasında Rumıniya-Belçika və Niderland-İspaniya qarşılaşmaları baş tutub. 3:0 hesabı ilə başa çatan bu oyunlarda Belçika və Niderland komandaları qələbə qazanıblar.

Beləliklə, beşinci günün yekununda 3 oyunda 3 qələbə qazanan Niderland, Belçika və Azərbaycan milli komandaları 8 xalla (3 oyun, 3 qələbə) müvafiq olaraq birinci, ikinci və üçüncü pillələrdə qərarlaşıblar. Rumıniya 2 xalla (3 oyun, 3 məğlubiyyət) dördüncü, İspaniya 1 xalla (3 oyun, 3 məğlubiyyət) beşinci yerdədir. Altıncı yerdə olan Portuqaliya millisinin isə xalı yoxdur.

Qeyd edək ki, növbəti oyunlar avqustun 26-da keçiriləcək. Sabah saat 15:30-da İspaniya-Portuqaliya, saat 18:30-da isə Belçika-Azərbaycan qarşılaşmaları baş tutacaq.

25 avqust (5-ci gün)

Rumıniya – Belçika 0:3 (21:25, 20:25, 17:25)

Niderland – İspaniya 3:0 (25:13, 25:11, 25:16)