Kamerun millisi dünya çempionatları tarixində Braziliyanı məğlub edən ilk Afrika komandası olub.

“İki sahil” xəbər verir ki, kamerunlular Qətərdə keçirilən DÇ-2022-nin qrup mərhələsinin 3-cü turunda Cənubi Amerika təmsilçisinə 1:0 hesabı ilə qalib gəlib.

Buna qədər afrikalılar mundiallarda “pentakampeonlar”la 7 dəfə qarşılaşıb və hamısında məğlub olublar.

Qeyd edək ki, G qrupunun digər oyunlarında İsveçrəyə 0:1 hesabı ilə məğlub olan və Serbiya ilə qollu heç-heçə (3:3) edən Kamerun yığması 4 xalla üçüncü yeri tutaraq, DÇ-2022 ilə vidalaşıb.