"Milan" klubunun İtaliya A Seriyasında səfərdə məğlubiyyətsiz oyunlar seriyası başa çatıb.
“İki sahil” xəbər verir ki, Stefano Piolinin baş məşqçi olduğu komanda XII turda "Torino" ilə matçda uğursuzluqla üzləşib.
Rəqibinə 1:2 hesabı ilə uduzan Milan təmsilçisinin 17 görüşlük seriyası qırılıb. Komanda daha əvvəl səfərdə 12 qələbə və 5 heç-heçə əldə etmişdi.
Qeyd edək ki, "Milan" 26 xalla A Seriyasında üçüncü pillədə qərarlaşıb. Lider "Napoli"nin 32, ikinci sırada "Atalanta"nın 27 xalı var.
