"Napoli"nin baş məşqçisi Luçano Spaletti "Mançester Yunayted"in futbolçusu Kriştiano Ronaldonu transfer etmək istədikləri ilə bağlı yayılan iddialara münasibət bildirib.

“İki sahil” xəbər verir ki, o deyib: 

"Məndən Ronaldo ilə işləmək istəyib-istəmədiyimi soruşsanız, cavab verəcəm ki, heç bir məşqçi bundan imtina etməz. Amma hazırda heç bir danışıqlar yoxdur. Ronaldonu Osimhenlə dəyişmək? Klubun prezidenti Aurelio de Laurentis mənə təklif almadığını dedi, gəlin reallıq daxilində qalaq. Transfer pəncərəsinin bağlanmasına bir neçə gün qalıb. Hazırda konkret heç nə yoxdur”.