Türkiyənin Konya şəhərində keçirilən V İslam Həmrəyliyi Oyunlarında iştirak edən 23 yaşadək futbolçulardan ibarət Azərbaycan millisi yarımfinal oyununa çıxıb.
"İki sahil" xəbər verir ki, Türkiyə yığması ilə qarşılaşan millimiz 0:1 hesabı ilə uduzub. Yeganə qolu 43-cü dəqiqədə Məhəmməd Gümüşkaya vurub.
Bu qələbə sayəsində Türkiyə millisi finala çıxıb.
Azərbaycan millisi isə 3-cü yer uğrunda görüşdə Əlcəzair - Səudiyyə Ərəbistanı matçının məğlubu ilə görüşəcək.
