"Real"ın futbolçusu Toni Kroos klubu ilə 2023-cü ildə başa çatacaq müqaviləsini yeniləyib-yeniləməyəcəyi ilə bağlı suallara cavab verib. 

“İki sahil” xəbər verir ki, 32 yaşlı yarımmüdafiəçi "Sky Sport"a açıqlamasında karyerasını Madrid təmsilçisində bitirmək istədiyini bildirib:

"Sonuncu dəfə müqaviləni yeniləyəndə mən qəsdən bu müddəti - 2023-cü ili seçdim. Sözləşməmin sona çatdığı vaxt mənim 33 yaşım olacaq. Bu, qərar verməyim, nə edəcəyimi düşünmək üçün yaxşı yaşdır. Klubla əla münasibətim var. Onları heç nəyə dəyişmərəm. Hesab edirəm ki, bu münasibət qarşılıqlıdır. Karyeramı “Real”da bitirmək istəyirəm”. Ümid edirəm ki, belə olacaq. Görək, 2023-cü ildə nə baş verəcək. Mən hələ də yaxşı formadayam. Əlbəttə ki, bədəninizi dinləmək və dəyişikliklərə uyğunlaşmaq lazımdır. Həmçinin, oynamağa davam etmək üçün insanda istək olmalıdır”.