Dakar ralli marafonunun beşinci mərhələsində ağır qəza qeydə alınıb.

“İki sahil” xəbər verir ki, "SRT Racing" komandasının Səudiyyə Ərəbistanından olan pilotu Yasir Seaydan və rusiyalı şturman Aleksey Kuzmiç ciddi qəza keçirib.

Avtomobil magistral yolda aşaraq alovlanıb. Maşından düşməyi bacaran ekipaj xilasedici helikopter çağırıb. Hadisə yerinə gələn həkimlər sürücüləri ilkin müayinədən keçirdikdən sonra onların sağlıq durumlarının təhlükədə olmadıqlarını bildiriblər.

Qeyd edək ki, yekunda Yasir Seaydan və Aleksey Kuzmiç 10-cu yeri tutublar. Bununla da ekipaj "Dakar-2022"də çıxışını başa vurub.