Rusiyanın "Krasnodar" klubu baş məşqçi Viktor Qonçarenko ilə yollarını ayırıb.

"İki sahil" klubun rəsmi saytına istinadən xəbər verir ki, 45 yaşlı mütəxəssisin müqaviləsinə xitam verilib. Onun iki köməkçisi - Vasili Berazustki və Aleksandr Yermakoviç də göndərilib.

Qeyd edək ki, Viktor Qonçarenkonun "Krasnodar"la müqaviləsi 2023-cü ilin yayına qədər idi. Onun komandası Rusiya Premyer Liqasında 18 turdan sonra 29 xalla 5-ci pillədə qərarlaşıb.