2021-ci ildə ən çox qol vuran müdafiəçilər bəlli olub.

“İki sahil” xəbər verir ki, bu barədə Beynəlxalq Futbol Tarixi və Statistikaları Federasiyası araşdırma aparıb.

Nigeriyanın "Plato Yunayted" klubunun futbolçusu Zulkifilu Rabiu və Kosovo "Priştina"sından Besnik Krasniki hərəyə 14 qola imza atıblar.

Hər iki müdafiəçi yalnız daxili çempionatda fərqlənib. Rabiu bunlardan 3-nü, Krasniki isə 9-nu penaltidən qola çevirib. Bu səbəbdən nigeriyalı oyunçu siyahının ilk pilləsində qərarlaşıb.