Voleybol üzrə Azərbaycan çempionatının 2021/22 mövsümünün tarixi və iştirakçıları müəyyənləşib.

“İki sahil” xəbər verir ki,  dekabrın 17-də start götürəcək Super Liqada 4, Yüksək Liqada 5 komanda mübarizə aparacaq.

Kişi voleybolçular 4 dövrədə yarışacaqlar. Yüksək Liqada “Neftçi”, “Murov”, MOİK, “Ekspress” və “Sərhədçi” qüvvəsini sınayacaq. 6 dövrədən ibarət olacaq Super Liqada “Azərreyl”, “Murov”, “Abşeron” və UNEC qalibin adını müəyyənləşdirəcək. Liqaların ən güclüsü qələbə sayına əsasən müəyyənləşəcək.

Azarkeşsiz keçiriləcək çempionatın ilk oyun günü Super Liqa matçı ilə başlayacaq. “Murov” “Abşeron”u sınağa çəkəcək. Dekabrın 17-də günün ikinci görüşündə isə MOİK - “Neftçi” oyunu planlaşdırılır.

Qeyd edək ki, oyunlar “Murov”un Biləcəridəki idman zalında keçiriləcək.