İsveçli gimnast Lina Syoeberq Bakıda keçirilən Batut Gimnastikası və Tamblinq üzrə 35-ci Dünya Çempionatının ikili mini-batut üzrə tullanışlar proqramında 70.900 xal toplayaraq birinci yeri tutub.

“İki sahil” xəbər verir ki, ikinci yerdə ABŞ gimnastı Şelbi Nobuhara (70.000 xal), üçüncü yerdə isə İspaniya gimnastı Melaniya Rodriqes (69.600 xal) qərarlaşıblar.

Qeyd edək ki, Bakıda Batut Gimnastikası və Tamblinq üzrə 35-ci Dünya Çempionatı noyabrın 18-dən 21-dək keçirilir. Yarışda 33 ölkədən 300-dək gimnast iştirak edir.