Azərbaycan Premyer Liqasında 11-ci turu çərçivəsində "Zirə" Zirə İdman Kompleksinin stadionunda "Səbail"i qəbul edib.

“İki sahil” xəbər verir ki, görüşün 23-cü dəqiqəsində vurduğu qolla Qismət Alıyev “Zirə”ni hesabda önə çıxarıb. 47-ci dəqiqədə isə Davit Volkov komandasının ikinci qolunu vurub. Qarşılaşmanın 74-cü dəqiqəsində Loris Broqno hesab arasındakı fərqi 3 topa çatdırıb.

Matçın 87-ci dəqiqəsində Rauf Əliyev 11 metrlik cərimə zərbəsini dəqiq yerinə yetirərək “Səbail”in təsəlli qolunu vurub. Görüşdə başqa qol vurulmayıb.

20 noyabr (şənbə)

16:00. “Zirə” 3–1 “Səbail”

Qollar: Qismət Alıyev, 23 (1:0), Davit Volkov, 47 (2:0), Loris Broqno, 74 (3:0), Rauf Əliyev, 87 pen. (3:1)

Hakimlər: Əliyar Ağayev, Zeynal Zeynalov, Akif Əmirəli, Nicat İsmayıllı

Zirə İdman Kompleksinin stadionu