Qrant naminə  Azərbaycanın dövlətçilik maraqlarını , xalqımızın mənafeyini qapılarında süləndikləri əcnəbilərə qəpik- quruşa satan «agent şəbəkəsi»nin  tör-töküntüləri,    ağalarının süfrələrinin qırıntılarından da məhrum olanlar özləri  üçün yeni  qazanc  mənbəyi tapıblar.

  Mühacir kimi qoltuqlarına sığındıqları xarici ölkələrdə  şəbəkə yaratmaqla Azərbaycan haqqında   yalan- böhtanlar yayan «mətbəx  böcəkləri» indi də  «söz yayımlamaq» xəstəliyinə tutularaq bunun üçün ianə mənbələri axtarışındadırlar. 

«Media klubu»  yaratmaqla guya   «ölkədə  müstəqil, sağlam informasiya məkanı formalaşdırmaq» istəyində olduqlarını bildirən,  məqsədləri  « informasiya vasitələrinin manipulyasiya, təhqir və yalan sisteminə çevrilməsinin qarşısının almaq» olan bəzi «KİV nümayəndələri»nin  «jurnalistlik şəcərələri»ndən aydın olur ki, onların istəkləri «proqnozlarından»  çox-çox fərqlidir. Özlərini «media  ictimaiyyətinin nümayəndələri» adlandıranların  əməli ilə  istəyinin  eynilik təşkil etməməsi də  göstərir ki, illərdən bəri fəaliyyətlərini  beynəlxalq təşkilalardan aldıqları qrantlara uyğun formalaşdıranların « Azərbaycan jurnalistikasında yenilik etmək niyyətlərinin sağlam təfəkkürə əsaslanma  ideyaları» inandırıcı deyil.  «Media klubu»nda məskən salanlar sadəcə olaraq qrant ünvanlarını yeniləmək məqsədilə «kosmetik dəyişiklik» aparıblar.  Qarşıdakı illərdə də   onların Azərbaycan əleyhinə təxribatlarda  fəallıq göstərəcəkləri  şəksizdir. Özlərini başqa ölkələrdə  yaradılan və  Soros Fondu tərəfindən maliyyələşdirilən  «Press klub»lara oxşatmağa çalışan «mediaçıların» bu «təşəbbüsü»nün maliyyə mənbəyinin də  Soros Fondunun olması bir çox mətləblərə aydınlıq gətirir. Bu Fondun ölkəmizdə, başqa MDB dövlətlərində   həyata keçirdiyi təxribatların nəticələri isə bəllidir. Bu baxımdan   «klub» üzvlərinin «sağlam düşüncə tərzinə malik olmaları» barədə   təsəvvür yaratmaq sadəlövhlük olardı.  

Eyni sözləri  xarici ölkələrdə  isti bucaq axtaranlar,  özləri üçün  yeni qazanc mənbəyi kimi «sosial şəbəkə yaratmaq üçün pul dilələnlər» haqqında da demək olar.

 Məsələn Tural Sadıqlı adlı mühacir  «xalqın layihəsi”» adlı «kampaniya»ya  milyon dollar vəsait  lazım olduğunu bildirərək bunun üçün dəstək  axtarır. Radikal bloqqer,  «Meydan TV»nin rəhbəri Emin Milli də oxşar «təşəbbüslə»  müraciət yayıb.

 Deyəsən havadarlarının maliyyə mənbəyindən  əli üzülən « xəyanətkar şəbəkə»nin  təmsilçiləri müflisləşdikləri üçün bu yola əl atırlar.  Əslində  Avropada   bahalı  həyat tərzinə öyrəşənlər bu vəsaitləri özlərinin şəxsi həyatları üçün  istəyirlər. Sadəcə  xəyanətlərini  «xalqa xidmət”» adı altında pərdələməyə çalışırlar.

Leyla Yunus, Xədicə İsmayıl kimi  Emin Milli, Tural Sadıqlı da asan qazanc yolu ilə ehtiyaclarını təmin etməyi qarşılarına məqsəd qoyaraq

 Azərbaycan əleyhinə apardıqları təxribatları bu yolla   davam etdirmək istəyirlər.  Maliyyə mənbələrini bölüşdürmək üçün  xarici ölkələrdə belə   biri-birilərinə ünvanladıqları qarşılıqlı ittihamları  Vətən xainlərinin iç üzlərini  açıq-aşkar göstərir. Onların  həyasızlıq həddi o dərəcəni  aşıb ki, xarici ölkələrdə  ölkəmiz  əleyhinə təxribat aparmaq üçün Azərbaycan xalqından yardım istəyirlər. Maraqlıdır ki, bu iş üçün milyonların lazım olduğunu bildirənlərin  «iş prinsipi» üçün tələb olunan  yüksək məbləğ həddindən artıq çoxdur. Bu  qeyri- müəyyənlikdən aydın olur ki,  onların məqsədi yalnız şəxsi  ehtiyaclarını ödəmək üçün lazımdır. Amma bir məsələni unudurlar ki,  Azərbaycan xalqı üçün çıxdaş hesab olunan bu satqınlara  heç kim yardım göstərməz.  Onların yeganə yolu məskunlaşdıqları  «mühacir  mətbəxi»nin artıqlarından yararlanmaqdır.

Xuraman İsmayılqızı,

«İki sahil»