Macarıstanın baş naziri Viktor Orban bildirib ki, Rusiyanın orta mənzilli “Oreşnik” ballistik raketinin buraxılması bütün Qərbi düşünməyə vadar edir.

“İki sahil” xəbər verir ki, o, bu barədə “Kossuth” radiosunda danışıb.

Orbanın sözlərinə görə, Rusiya əvvəllər məlum olmayan raketi buraxıb.

“Silahların nümayişi hamımızı düşündürdü. Və həqiqətən ümid edirəm ki, bu, təkcə bizdən deyil, Qərbi Avropadan da ehtiyatlılıq tələb edəcək”, - deyə, RİA Novosti baş nazirin sözlərindən sitat gətirir.

Bundan əvvəl “The New York Times” “Oreşnik” raketinin Avropada istifadə edilən ən uzun mənzilli silah olduğunu yazmışdı.