Serbiya Daxili İşlər Nazirliyinin rəhbəri İvitsa Daçiç İsrail səfirliyini qoruyan polis əməkdaşına həddi-buluğa çatmayan şəxsin hücum etməsi səbəbindən ölkədə terror təhlükəsi səviyyəsini maksimuma qaldırdığını bəyan edib. Hadisə terror aktı kimi təsnif edilib.

“İki sahil” xəbər verir ki, bu barədə "Informer" portalı məlumat yayıb.

"İstintaq davam edir. Terror aktının bizim ərazimizdə baş verdiyini nəzərə alaraq, buna cavabdeh olan daxili işlər naziri kimi terror təhlükəsi səviyyəsini mümkün olan ən yüksək həddə — yəni "qırmızı" səviyyəyə qaldırdım", - deyə Daçiç bildirib.

O vurğulayıb ki, Serbiya xüsusi xidmət orqanları şübhəli şəxsi İŞİD beynəlxalq terror qruplaşması ilə əlaqələndirir. Daçiç, həmçinin küçələrdə, infrastrukturlarda və insanların sıx olduğu yerlərdə polis əməkdaşlarının sayının artırılması barədə göstəriş verib.