Kürdəmirdə ağır yol-nəqliyyat hadisəsi baş verib, xəsarət alanlar var.

Hadisə rayonun Pirli kəndi ərazisində qeydə alınıb.

Belə ki, sürücü Nicat Məhərrəmov idarə etdiyi BMW markalı avtomobillə həmin yolda hərəkətdə olarkən qəfildən idarəetməni itirib. Nəticədə avtomobil yoldan çıxaraq aşıb.

Qəza zamanı avtomobildə olan sürücü N. Məhərrəmov və onun sərnişinləri kənd sakinləri Xaldun Səfərov və Elnur Nuriyev müxtəlif dərəcəli ağır bədən xəsarətləri alıblar. Yaralılar dərhal təcili tibbi yardım maşınının köməyi ilə Kürdəmir rayon Mərkəzi Xəstəxanasına aparılıb və həkim nəzarətinə götürülüb.

Hazırda fakt araşdırılır.

"Report"