Bosniyalı mütəxəssis Vladimir Petkoviç Əlcəzair milli komandası ilə yeni müqavilə imzalayıb.

“İki sahil” xəbər verir ki, bu barədə Əlcəzair Futbol Federasiyası məlumat yayıb. Yeni razılaşmanın şərtlərinə əsasən, 62 yaşlı mütəxəssis yığmanı 2028-ci ilin iyuluna qədər çalışdıracaq.

Qeyd edək ki, Petkoviç Əlcəzair millisinə 2024-cü ildən rəhbərlik edir. Milli komanda onun rəhbərliyi altında 2025-ci ildə keçirilən Afrika Millətlər Kubokunda 1/4 final mərhələsinə qədər irəliləməyi bacarıb.

Qarşıdan gələn dünya çempionatının qrup mərhələsində Əlcəzair kollektivi Argentina (17 iyun), İordaniya (23 iyun) və Avstriya (28 iyun) yığmaları ilə mübarizə aparacaq.