ABŞ-ın Yaxın Şərqdə İran ilə qarşıdurma zamanı istifadə etdiyi sursatların sürətlə tükənməsi Ukrayna üçün ciddi problem yaradır.

“İki sahil” xəbər verir ki, bu barədə "Politico" məlumat yayıb.

Nəşrin məlumatına görə, ABŞ hava hücumundan müdafiə sistemləri üçün nəzərdə tutulmuş raketləri hazırda əsasən Yaxın Şərqdə istifadə edir. Halbuki bu silahlar Ukraynanın rusiyalı ballistik raket hücumlarına qarşı müdafiəsi üçün də son dərəcə vacibdir.

Məqalədə qeyd olunur ki, ABŞ-ın bu münaqişədə böyük həcmdə sursat xərcləməsi Kiyevin müdafiə qabiliyyətini zəiflədə bilər. Çünki Ukrayna ordusu hava hücumundan müdafiə üçün məhz həmin raketlərə ciddi ehtiyac duyur.

Avropada isə narahatlıq var ki, Rusiya bu vəziyyətdən istifadə edərək cəbhədə üstünlük əldə etməyə çalışa bilər. ABŞ və Avropa İttifaqının diqqətinin başqa münaqişəyə yönəlməsi fonunda Ukraynaya təkcə hava hücumundan müdafiə sistemləri deyil, digər silah növlərinin də tədarükü risk altına düşə bilər.