Yevlax rayonu ərazisində ağır yol qəzası baş verib.
“İki sahil” xəbər verir ki, hadisə Bakı-Qazax magistral yolunun Yevlax rayon ərazisindən keçən hissəsində qeydə alınıb. Belə ki, minik avtomobili idarəetmədən çıxaraq yol kənarındakı maneə çırpılıb. Qəza nəticəsində Bakı şəhər sakini, 1973-cü il təvəllüdlü Vüqar Şamilsoy, Goranboy rayon sakinləri, 2006-cı il təvəllüdlü Aytac Bayramova, 1985-ci il təvəllüdlü Amilə Gülmalıyeva və 1953-cü il təvəllüdlü Füruzə Bayramova müxtəlif dərəcəli bədən xəsarətləri alıb.
Yaralılar xəstəxanaya çatdırılıblar, faktla bağlı araşdırma aparılır.
