Azərbaycanın qadınlardan ibarət U-19 millisi Avropa çempionatının seçmə mərhələsində 2-ci oyununa çıxacaq.

“İki sahil” xəbər verir ki, yığmamız səfərdə Şimali Makedoniya ilə qarşılaşacaq. 

Sözügedən matç ötən gün keçirilməli idi. Lakin görüş əlverişsiz hava şəraiti və "Mladost" stadionunun meydançasının yararsız vəziyyətdə olması səbəbindən bu günə təxirə salınıb.

Oyun Bakı vaxtı ilə saat 13:30-da başlayacaq. 

Qeyd edək ki, U-19 millimiz ilk matçında Sloveniyaya 0:2 hesabı ilə uduzmuşdu.