Türkiyə Futbol Federasiyası (TFF) A milli komandanın baş məşqçisi Vinçentso Montella ilə müqavilənin müddətini uzadacaq.

“İki sahil” TFF-nin rəsmi saytına istinadla xəbər verir ki, artıq tərəflər arasında yeni sözləşmə ilə bağlı razılıq əldə olunub. Anlaşmanın müddəti və digər detalları barədə məlumat verilməyib.

İmzalanma mərasimi iyunun 30-da federasiya prezidenti İbrahim Hacıosmanoğlu və baş məşqçinin iştirakı ilə keçiriləcək.

Qeyd edək ki, Vinçentso Montella 2023-cü ilin sentyabr ayından Türkiyə millisinə başçılıq edir.