Avtomat hidroloji stansiyaların iyunun 14-ü saat 10:00-a olan məlumatına əsasən Böyük Qafqaz ərazisindən axan Əyriçayda 21 sm, Kiçik Qafqaz ərazisindən axan Əsrikçayda 10 sm, Qarabağ və Şərqi-Zəngəzur bölgəsindən axan Tərtərçayda 25 sm, Həkəriçayda 6 sm, Oxçuçay və Bərgüşadçayda isə 3 sm artım qeydə alınıb.
“İki sahil” xəbər verir ki, bu barədə Milli Hidrometeorologiya Xidməti məlumat yayıb.
Qeyd edilib ki, transsərhəd çay olan Kür-Qıraqkəsəmən məntəqəsində suyun səviyyəsi 5 sm artıb, su sərfi 267 m3/san olmaqla normanın 45%-ni təşkil edir.
