Bu ilin yanvar-may aylarında Azərbaycan (Naxçıvan Muxtar Respublikası) Türkiyənin Cənub-Şərqi Anadolu bölgəsindən 9,969 milyon ABŞ dolları dəyərində tekstil malları idxal edib.

Cənub-Şərqi Anadolu İxracatçıları Birliyinin məlumatına görə, bu, 2024-cü ilin eyni dövrünə nisbətən 17,9 % çoxdur.

Hesabat dövründə bölgədən xarici ölkələrə ümumilikdə 1 milyard 366,703 milyon ABŞ dollarlıq tekstil malları ixrac edilib ki, bu da illik müqayisədə 8,6 % çoxdur.

5 ayda Cənub-Şərqi Anadolu bölgəsindən ən çox (385,958 milyon ABŞ dolları məbləğində) tekstil malları Avropa İttifaqı ölkələrinə ixrac edilib. Bu, 1 il əvvələ nisbətən 6,3 % çoxdur. Avropa ölkələrini Yaxın Şərq (315,752 milyon ABŞ dolları məbləğində) və Afrika ölkələri (174,857 milyon ABŞ dolları) izləyib. Bu isə, illik müqayisədə müvafiq olaraq 3,2 % və 39,7 % çoxdur.

“Report”