Bu gün Sərhədçi Olimpiya İdman Mərkəzində Azərbaycan Karate Federasiyasının təşkilatçılığı ilə “GRAND PRIX” 2025 beynəlxalq karate turniri keçirilir. Möhtəşəm yarışda 14 ölkədən 1000-ə yaxın karateçi iştirak edir. Turnir 5-6 aprel tarixlərini əhatə edəcək.
“İki sahil” xəbər verir ki, Azərbaycan Həmkarlar İttifaqları İdman Təşkilatları Assosiasiyası da bu nüfuzlu tədbirə dəvət almışdır. Açılış mərasimində AHİTA İB-nin direktoru Tural Qasımov, Azərbaycan Karate Federasiyasının prezidenti, millət vəkili Ülvi Quliyev tərəfindən xüsusi təşəkkürnamə ilə təltif olunub.
Bu cür beynəlxalq turnirlər idman əlaqələrinin möhkəmlənməsi və ölkəmizin idman sahəsində nüfuzunun artması baxımından böyük əhəmiyyət daşıyır.
