Bu gün Misli Premyer Liqasında 29-cu tura start veriləcək.

“İki sahil” xəbər verir ki, ilk gündə 1 oyun keçiriləcək. Turun açılış matçında “Səbail” öz meydanında “Turan Tovuz”u qəbul edəcək. 

Hazırda 43 xala malik Tovuz klubu 4-cü yerdədir. 19 xalı olan paytaxt təmsilçisi isə sonuncu – 10-cu pillədə qərarlaşıb. 

Cari mövsüm bu komandalar arasında keçirilən 3 matçdan ikisi 1:1 hesabı ilə yekunlaşıb. Yalnız ilk dövrənin görüşündə “Turan Tovuz” rəqibini tək cavabsız qolla üstəyib. 

Qeyd edək ki, turun digər görüşləri aprelin 6 və 7-də keçiriləcək.

Misli Premyer Liqası,

29-cu tur

5 aprel (şənbə)

17:00. “Səbail” - “Turan Tovuz”
Hakimlər: Rəşad Əhmədov, Zöhrab Abbasov, Teymur Teymurov, Kamran Əliyev
VAR: Kamal Umudlu
AVAR: Zeynal Zeynalov
“ASCO Arena”

6 aprel (bazar)

17:00. “Sabah” - “Kəpəz”

19:30. “Qarabağ” - “Zirə”

7 aprel (bazar ertəsi)

15:30. “Şamaxı” - “Neftçi”

18:00. “Araz-Naxçıvan” - “Sumqayıt”