Ordubad rayonunda qəza baş verib, 6 nəfər xəsarət alıb.

“İki sahil” NUHÇIXAN-a istinadla xəbər verir ki, hadisə rayonun Aza kəndi ərazisində qeydə alınıb.

Belə ki, "NAZ-Lifan" markalı avtomobillə "Lada" markalı avtomobil toqquşub. Hadisə nəticəsində 6 nəfərin xəsarət aldığı bildirilir.

Xəsarət alanlar Naxçıvan Muxtar Respublika Xəstəxanasına yerləşdiriliblər.

Hadisə yerinə polis əməkdaşları cəlb edilib, faktla bağlı araşdırma aparılır.