Hesabatlar göstərir ki, dünya sürətlə iqlim fəlakətinə doğru irəliləyir.

“İki sahil” xəbər verir ki, bunu Meksikanın çoxtərəfli məsələlər və insan hüquqları üzrə katibinin müavini Enrike Oçoa COP29 çərçivəsində yüksək səviyyəli iclasda bildirib.

"Əgər qlobal temperatur 3 dərəcə artarsa, planetdə təhlükəsiz yer olmayacaq. Biz kursu dərhal dəyişməsək, bu, baş verəcək. İqlim öhdəlikləri və birtərəfli qərarlardan geri çəkilmək üçün yer yoxdur", - o qeyd edib.

E.Oçoa vurğulayıb ki, Meksika bu gün iqlim böhranı ilə mübarizə üçün çoxtərəfli səylərə birmənalı dəstəyini bir daha təsdiqləyir.