Bu gün Millətlər Liqasında 5-ci tura yekun vurulacaq.

“İki sahil” xəbər verir ki, son oyun günündə 9 matç keçiriləcək. 

C Liqasının 1-ci qrupunda yer alan Azərbaycan millisi Qəbələ şəhər stadionunda Estoniyanı qəbul edəcək. Fernandu Santuşun baş məşqçilik etdiyi yığmamız bu rəqiblə son görüşündə - 3-cü tur oyununda 1:3 hesabı ilə uduzub. Millimiz bu oyunda qələbə qazanmasa, komandanın D Liqasına yuvarlanacağı dəqiqləşəcək.

Qardaş ölkə Türkiyənin milli komandası isə evdə Uelslə qarşılaşacaq.

Həmçinin bu gün Almaniya Bosniya və Herseqovina ilə, Niderland Macarıstanla üz-üzə gələcək. Qonşu Gürcüstan isə Ukraynanı qonaq edəcək. 

Qeyd edək ki, sabah Millətlər Liqasında qrup mərhələsinin son - 6-cı turu start götürəcək.

Millətlər Liqası, 5-ci tur

A Liqası

3-cü qrup

23:45. Almaniya - Bosniya və Herseqovina

23:45. Niderland - Macarıstan

Xallar: Almaniya - 10, Niderland - 5, Macarıstan - 5, Bosniya və Herseqovina - 1.

B Liqası

1-ci qrup

21:00. Gürcüstan  - Ukrayna

23:45. Albaniya - Çexiya

Xallar: Çexiya - 7, Gürcüstan - 6, Albaniya - 6, Ukrayna - 4.

4-cü qrup

21:00. Monteneqro - İslandiya

21:00. Türkiyə - Uels

Xallar: Türkiyə - 10, Uels - 8, İslandiya - 4, Monteneqro - 0

C Liqası

1-ci qrup

18:00. Azərbaycan - Estoniya

23:45. İsveç - Slovakiya

Xallar: İsveç - 10, Slovakiya - 10, Estoniya - 3, Azərbaycan  - 0.

D Liqası

2-ci qrup

21:00. Andorra - Moldova

Xallar: Moldova - 6 (3 oyun), Malta - 6 (3 oyun), Andorra - 0 (2 oyun)