Rusiya və Suriya milliləri yoxlama oyununda üz-üzə gələcəklər. 

“İki sahil” Rusiya mətbuatına istinadən xəbər verir ki, görüş noyabrın 19-da “Volqoqrad Arena”da keçiriləcək. Matç yerli vaxtla 19:30-da (Bakı vaxtı ilə 20:30) start götürəcək. 

Hazırda Rusiya millisi FİFA reytinqində 34-cü, Suriya isə 93-cü yerdədir. 

Bu, Rusiya millisinin 2024-cü ildə 5-ci yoxlama matçı olacaq. Martda Valeri Karpinin komandası Serbiyaya (4:0), iyunda Belorusiyaya (4:0), sentyabrda isə Vyetnama (3:0) qalib gəlib. Noyabrın 15-də isə Rusiya yığması Krasnodarda Bruney millisi ilə üz-üzə gələcək. 

Xatırladaq ki, 2022-ci ilin fevral ayından FİFA və UEFA-nın qərarı ilə bütün Rusiya milliləri və klubları beynəlxalq turnirlərdən kənarlaşdırılıb. Buna səbəb Rusiyanın Ukraynaya hərbi müdaxilə etməsidir.