Misli Premyer Liqasının 9-cu turu “Qarabağ”ın futbolçusu Toral Bayramov üçün əlamətdar olub.
"İki sahil" PFL-in saytına istinadən xəbər verir ki, 23 yaşlı müdafiəçi Premyer Liqada 100-cü oyununu keçirib.
Onun yubileyi “Sumqayıt”la səfər matçına təsadüf edib. 100 görüşdə 15 qol vuran futbolçu yalnız bir komandada forma geyinib.
Bütün oyunlarını “Qarabağ”da keçirən Toralın debütü 2019/20 mövsümündə gerçəkləşib. O, 2019-cu il sentyabrın 23-də “Zirə” ilə səfər qarşılaşmasında (3:1) meydana çıxıb.
