“Arsenal”, “Roma”, “Yuventus” klublarının və Polşa millisinin sabiq qapıçısı Voytsex Şensnının “Barselona”ya keçidi rəsmiləşib.

"İki sahil"in klubun rəsmi saytına istinadən məlumatına görə, 34 yaşlı qolkiperlə 2025-ci il iyunun 30-dək müqavilə imzalanıb.

Avqustun sonunda karyerasını başa vuracağını açıqlayan Şensnı Mark-Andre ter Ştegenin yerinə qapıçı axtaran "Barselona"dan gələn təklifə görə futbola davam etmək qərarına gəlib.

Almaniyalı qolkiper dizindən ciddi zədə alıb və mövsümün sonuna kimi yaşıl meydanlardan kənarda qalıb.